24小時服務查詢殯儀安排 - 廖先生 (852) 9793-9399

披麻帶孝 一月 14, 2019

點解會有披麻帶孝呢?

古時候,岳飛被秦檜及其黨派陷害入獄,秦檜一幫人等為咗逼岳飛父子承認謀反,就對岳飛父子行重刑。不過,岳飛父子初期忍受住各種刑罰,誓死不屈,任秦檜一幫如何落刑,都改變唔到岳飛父子嘅態度。秦檜得知岳飛父子口硬,就破口大罵佢地嘅手下萬俟離、羅汝楫。

呢兩位奸臣為咗討好秦檜,改變落刑方法,對住岳飛不斷抽打岳飛父子,岳飛父子被打到皮開肉裂,全身鮮血。就喺呢個時候,羅汝楫便命獄卒將麻衣纏喺岳飛父子身上,岳飛父子已被打得死去活來,加上皮開肉裂,可想而知纏上麻衣係幾咁殘酷。血水由身體滲透出嚟, 之後又命獄卒再纏一層,。過咗一段時間,麻衣並冇被除低, 反而留喺岳飛身上。

日子久了,岳飛父子嘅傷勢開始結痂,麻衣同皮肉痴埋一齊。呢個時候,呢班奸臣又對岳飛父子用刑。佢地見岳飛父子仍然口硬,就叫獄卒將纏喺岳飛父子身上嘅麻皮一層一層地剥落嚟。岳飛父子縱使痛到忍唔到,都寧死不屈!奸臣實在冇辦法。最後用莫須有嘅罪名加喺岳飛身上。岳飛父子最終亦為奸人所害而死, 其後,秦檜等奸人之所作所為輾轉傳到坊間,老百姓得知秦檜等奸人惡行, 一代忠臣被害,個個都悲憤莫名,恨之入骨,卻敢怒而不敢言。後來百姓諗到一個辦法,為咗紀念岳飛父子功德,遂借助出殯時,開始披麻帶孝, 並且將麻皮編成麻辮或者拧床麻繩般搭喺脖子上。可以將秦檜嘅惡行公諸於世!披麻帶孝就開始成為老百姓喪禮習俗。

WhatsApp 按此查詢 (852) 9793 9399